ექსპერტი ეკონომიკურ საკითხებში, ეროვნული ბანკის ყოფილი პრეზიდენტი რომან გოცირიძე ლარის კურსის დასტაბილურობის გზებზე საუბრობს და აცხადებს, რომ ბიუჯეტის კორექტირების გარეშე აღნიშნული საკითხი ვერ მოგვარდება. ამის შესახებ გოცირიძემ „რუსთავი 2"-ის პირდაპირ ეთერში განაცხადა.

„ბიუჯეტის შემცირებაზე მთავრობა არ საუბრობს. ფინანსთა მინისტრი ამბობს, რომ ბიუჯეტი ლარის კურსზე გავლენას არ ახდენს. ბიუჯეტი ახდენს გავლენას ლარის კურსზე. დღევანდელი 3%-იანი დეფიციტი ბიუჯეტისა მძიმე ზემოქმედებას ახდენს ქვეყნის ეკონომიკაზე და ლარზე. ბიუჯეტის კორექტირების გარეშე ლარი ვერ დასტაბილურდება", - განაცხადა რომან გოცირიძემ.