დღეს მართლმადიდებელი ეკლესია წმინდა მენელსაცხებლე დედათა ხსენებას აღნიშნავს.  დღეს ეკლესია წმიდათა მენელსაცხებლე დედებს: მარიამ მაგდალინელს, მარიამ კლეოპას, სალომეს, იოანას, მართას და მარიამს, სუსანასა და სხვებს იხსენებს.  

წმინდა სახარების მიხედვით, უფლის დაფვლის შემდეგ ისინი გამთენიისას მაცხოვრის საფლავთან მივიდნენ და თან ნელსაცხებელი მიჰქონდათ. დედებს საფლავის ლოდი გადაგორებული დახვდათ, ხოლო უფლის ანგელოზმა მათ ახარა, რომ უფალი აღსდგა.

წმინდათა მენელსაცხებლე დედათა ხსენების დღეს,  საქართველოს მართლმადიდებებლი ეკლესია კეთილმსახური მეფის თამარის და სამშობლოსათვის წამებული წმინდა დიმიტრი ყიფიანის ხსენებას აღნიშნავს.

წმინდა მენელსაცხებლე დედათა ხსენების დღესთან დაკავშირებით მართლმადიდებლურ ტაძრებში საღმრთო ლიტურგია გაიმართება.