„ავერსის" კლინიკის ორგანიზებით ყაზბეგის რაიონში საქვემოქმედო აქცია გაიმართა. მედიკოსები ადგილზე ჩავიდნენ და ჯუთას, კარკუჩას და სნოს მოსახლეობას უფასო პროფილაქტიკური გამოკვლევები ჩაუტარეს. მათ ყაზბეგის რაიონის მაცხოვრებლებს ექოსკოპიური, ოფთალმოლოგიური, პედიტრიული და ნევროლოგიური დახმარება აღმოუჩინეს. ასევე, „ავერსმა" აქციაში მონაწილეებს პირველადი დახმარების 15 დასახელების მედიკამენტი გადასცა.
„ძირითადი მიზანი ეს არის მოსახლეობისათვის სამედიცინო მომსახურეობის გაწევა და მათი მედიკამენტებით უზრუნველყოფა. იმ მოსახლეობისთვის, რომლისთვისაც სამედიცინო მომსახურეობა ხელმიუწვდომელია. დაახლოებით 5 წლის წინ დავიწყეთ ეს პროგრამა და აქციას ვაკეთებთ იმ სოფლებზე, რომლებიც მოწყვეტილია ბარს და სადაც ტრანსპორტით მიმოსვლა გაძნელებულია." - განაცხადა „ავერსის" კლინიკის გენერალურმა დირექტორმა, დიმიტრი ჯორბენაძემ.
