ექსპერტ კახი კახიშვილს სააკაშვილის პრეზიდენტად დაბრუნება ფანტასტიკურ სფეროდ ეჩვენება. მისი აზრით, სააკაშვილი ყველანაირად ეცდება მთავრობა დაასუსტოს და თანაგუნდელების ხელით ხელისუფლების უზურპაცია მოახდინოს. მისი აზრით, ამაში უკანასკნელ როლს არ შეასრულებს დიდი ფული, რომელიც სააკაშვილს აქვს.
„პრეზიდენტი ხშირად იმეორებს, რა ვქნა, არა მაქვს 6 მილიარდიო. არადა, მან 9 წლის განმავლობაში 6 მილიარდიც იშოვა და მეტიც, რომელიც არავინ იცის, რომელ საზღვარგარეთულ ანგარიშებზე აქვს. დიახ, სააკაშვილი ბიძინა ივანიშვილზე მდიდარია. დაიწყებენ იმით, რომ გადაჯგუფდებიან - "ნაციონალების" ნაწილი ვითომდა გაემიჯნება ამ პარტიას, შექმნის ახალ პოლიტიკურ ორგანიზაციებს. რეალურად კი თითოეული დაჯგუფების უკან სააკაშვილის ფული იქნება. შემდეგ კი ეს დაჯგუფებები დაიწყებენ არაჯანსაღ ოპონირებას, შეეცდებიან, მოამზადონ ისეთი კანონპროექტები, რაც შეასუსტებს ხელისუფლებას, წინა პლანზე წამოსწევენ მთავრობის საწინააღმდეგო თემებს",-განაცხადა კახიშვილმა „კვირის პალიტრასთან" ინტერვიუში.
