ციხეში გარდაცვლილი გოგა ძველაიას ოჯახი ვიდეო- ჩანაწერების გადაცემას მოითხოვს. მშობლები ვიდეო ფაილებზე ექსპერტიზის ჩატარებას მოითხოვენ. წინააღმდეგ შემთხვევაში გარდაცვლილის მამა შიმშილობას დაიწყებს.

აღნიშნულ ფაქტს უკვე გამოეხმაურა სახალხო დამცველი, უჩა ნანუაშვილი. მისი განცხადებით საკითხზე გადაწყვეტილების მიღება გამოძიების საქმეა.

„გამოძიება დაწყებულია. ჩვენც ჩართული ვართ ამ პროცესში . ეს არის წინასწარი გამოძიების მასალები და მან უნდა გადაწყვიტოს მიეწოდოს თუ არა ოჯახს ვიდეო ფაილები, თუ მოხდეს მხოლოდ მისი ჩვენება გარკვეული წრისთვის. იმედი მაქვს რომ ეს საკითხი მალე გადაწყდება."- განაცხადა უჩა ნანუაშვილმა.