„გვირილობის" დღესასწაულის საზეიმო აღნიშვნა დღეს დილიდან ქუთაისში, ბაგრატის ტაძრიდან დაიწყო. ტაძარში უამრავი სტუმარი ადგილობრივ მთავრობასთან და საქართველოში აკრედიტებულ დიპლომატიურ კორპუსთან ერთად საზეიმო წირვას ესწრება, რომელსაც ქუთათელ-გაენათელი მიტროპოლიტი მეუფე კალისტრატე აღავლენს.

დღეს ქუთაისში მთელი დღის მანძილზე ორმოცამდე სხვადასხვა ტიპის ღონისძიებაა დაგეგმილი. დღესასწაული, რომელიც „გვირილობის" ზეიმს უკავშირდება, მე-19 საუკუნიდან იღებს სათავეს.

ტუბერკულოზის მკურნალობის სიმბოლოდ  თეთრი გვირილაა მიჩნეული, სწორედ მას უკავშირდება გვირილობის დღესასწაული. აღსანიშნავია, რომ მსოფლიოს მასშტაბით ქუთაისი ერთადერთი ქალაქია, სადაც გვირილობის დღესასწაული კვლავ  პირვანდელი მნიშვნელობით 2 მაისს აღინიშნება.