გოგა ხაინდრავამ, ზურაბ ჟვანიას,  გარდაცვალებასთან დაკავშირებით განცხადება გააკეთა. მისი თქმით  ის დიდი ხანია ჟვანიას მკვლელობაზე და არა უბედურ  შემთხვევაზე საუბრობს.  
„ეს ვერსია, ბინძური ვერსია, აბსოლიტურად არაადამიანური  ვერსია, რომელიც სააკაშვილის დახმარებით იყო მიწოდებული საზოგადოებისთვის  არის სრულიად ყალბი, იმიტომ რომ იმ დასკვნაში ზუსტად წერია, რომ  გამორიცხული იყო ზურაბ ჟვანია  და ცხონებული იუსუპოვი  გარდაცვლილიყვნენ გაზის მოწამვლის  გამო. ორი განცხადება  დავწერე ადეიშვილის სახელზე  თავის დროზე და მოვითხოვე  ჩემი დაკითხვა,  იმიტომ რომ,  ისევ  ვიმეორებ ზუსტად  იმ დღეს, იმ  ღამეს,  ეს მოხდა სამ თებერვალს,  სამჯერ შევხვდით მე და ზურა ერთმანეთს." - განაცხადა ხაინდრავამ.