სოფლის მეურნეობის ყოფილი მინისტრი, დავით კირვალიძე ე.წ. მოდულის შენობაში დაკითხვაზეა დაბარებული. შსს პრესსამსახურის ხელმძღვანელის ნინო გიორგობიანის განცხადებით , დავით კირვალიძეს ანტიკორუფციულ დეპარტამენტში დაკითხავენ. საქმე სახელმწიფოს კუთვნილი, განსაკუთრებით დიდი ოდენობით, თანხების გაფლანგვის, სამსახურებრივი გულგრილობისა და ექსპერტებზე ზეწოლის საქმის გამოძიებას ეხება, რისთვისაც მიმდინარე წლის მაისში შსს ანტიკორუფციული სააგენტოს თანამშრომლებმა საქართველოს სოფლის მეურნეობის სამინისტროსა და სახელმწიფო შ.პ.ს. ,,მექანიზატორის" მაღალი თანამდებობის პირები დააკავეს.