რუსთავის #17 სასჯელაღსრულების დაწესებულების ყოფილი დირექტორის, ლაშა ბრეგვაძის წინააღმდეგ პროკურატურაში 600-მდე პატიმარმა საჩივარი  შეიტანა.

„რეპორტიორი" დაკავებული წყალბურთელების ადვოკატს, გიორგი სამუშიას დაუკავშირდა,რომელმაც აღნისნული ინფორმაცია დაგვიდასტურა და აღნიშნა, რომ  ჯერ უცნობია, თუ ვინ განიხილავს საჩივრებს პროკურატურაში.

„მე მხოლოდ მაქვს რეალური ინფორმაცია იმის შესახებ, რომ ნამდვილად შევიდა 600_მდე პატიმრის საჩივარი ლაშა ბრეგვაძის წინააღმდეგ პროკურატურაში, სხვა არაფრის თქმა არ შემიძლია, არც იმის თქმა შემიძლია ვინ განიხილავს საჩივრებს პროკურატურაში, რადგან დღეს მიიღო პროკურატურამ საჩივრები და ჯერ არ მაქვს ინფორმაცია."_ განუცხადა „რეპორტიორს" გიორგი სამუშიამ.

შეგახსენებთ, რომ სამ წყალბურთელს, რომლებსაც ბრალი რუსთავის #17 სასჯელაღსრულების დაწესებულების ყოფილი დირექტორის, ლაშა ბრეგვაძის ცემაში ედებათ,წინასწარი პატიმრობა 18 ოქტომბერს შეეფარდათ.