დღეს, სასტუმრო „რედისონში", „მერაბ კოსტავას საზოგადოების" თავმჯდომარე თამარ ჩხეიძემ ექსპერტებსა და პოლიტიკოსებთან შეხვედრის შემდეგ, ახალ ხელისუფლებას პრორუსული უწოდა და აღნიშნა, რომ არსებობს საფრთხე შესუსტდეს არაღიარების პოლიტიკა.
აღნიშნულ საკითხზე „რეპორტიორი" უმრავლესობის წევრ, გელა სამხარაულს დაუკავშირდა
„ჩვენმა ხელისუფლებამ არაერთხელ დაამტკიცა, რომ ჩვენ ვისწრაფით ცივილიზებული ქვეყნებისკენ და ასეთ ქვეყნებად ჩვენ მოვისაზრებთ „ევროკავშირს" და „ამერიკას". ზუსტად ორი კვირა დარჩა ვილნიუსში გასამართ სამიტამდე, სადაც ჩვენ კიდევ ერთხელ დავუმტკიცებთ არა მხოლოდ მათ ვინც ყოვლად უსაფუძვლოდ პრორუსულს გვიწოდებს, არამედ მთელს მსოფლიოს, რომ ჩვენ ვისწრაფით ცივილიზებული სამყაროსკენ და გვინდა ერთხელ და სამუდამოდ გავხდეთ ევროპის ნაწილი, დავიმკვიდროთ თავი ღირსეულად."- აღნიშნა გელა სამხარაულმა „რეპორტიორთან" საუბრისას.
