დღეს, პარლამენტის თავმჯდომარე დავით უსუფაშვილმა ჟურნალისტებთან რუსი დეპუტატების, ვასილი ლიხაჩოვის და სერგეი კალაშნიკოვის თბილისში ჩამოსვლის საკითხზე შემდეგი კომენტარი გააკეთა:
"ეს არის საკმაოდ სერიოზული თემა და ყველა დეტალს აქვს მნიშვნელობა და ამ დეტალების დაცვა, მათ შორის სამართლებრივი პროცედურების დაცვა ჩვენი მხრიდან იქნება პრიორიტეტი. ამიტომ თუ ვინმეს აქვს ისეთი დარღვევა რომ ტერიტორიის, საზღვრის გადმოლახვა ეკრძალება ზოგადად, მაშინ მას უნდა აეკრძალოს საზღვრის გადმოლახვა, თუ ვინმეს საზღვრის გადამოლახვა შეუძლია, მაგრამ მას შემდეგ შეიძლება პრობლემა შეექმნას, მას შემდეგ შეექმნება პრობლემა. ასე, რომ ამ თემებზე წინასწარი ვარაუდები არ არის მიზანშეწონილი. საქართველოს ხელისუფლების პოზიცია არის ძალიან მკაფიო და პრინციპული. ვიმოქმედებთ კანონის შესაბამისად, ისე რომ ჩვენი ევროპელი კოლეგებისთვის ყველაფერი იყოს გასაგები და ნათელი." - განაცხადა დავით უსუფაშვილმა.
