ხელნაწერთა ეროვნული ცენტრის სრული შემადგენლობა განათლების სამინისტროში იმყოფება. ისინი კონკურსის შედეგების გაბათილებასა და ხელმძღვანელის არჩევის უფლებას ითხოვენ. შეხვედრა დახურულ კარგ მიღმა ორ საათზე მეტია მიმდინარეობს.

თავდაპირველად მათ ცნობა ჰქონდათ, რომ ისინი შეხვდებოდნენ განათლების მინისტრს თამარ სანიკიძეს, თუმცა შეხვედრაზე მათ მინისტრის მოადგილე დახვდათ, რომელთანაც მოლაპარაკება გაიმართა. თუმცა, რამდენიმე წუთით მინისტრი შეხვედრას მაინც დაესწრო.

ცენტრის თანამშრომლების მთავარი მოთხოვნები უცვლელი რჩება. გაბათილდეს ის შედეგები, რომლის შედეგადაც ზაზა აბაშიძე ხელნაწერთა ეროვნული ცენტრის მმართველად დაინიშნა. მათ სურთ, მიეცეთ  საშუალება, რომ ხელმძღვანელი თავად აირჩიონ.