24 მაისს ქუთაისში „ქართული მისიის" საქალაქო ორგანიზაცია დაფუძნდა. „ქართული მისიის" გამგეობის სხდომის გადაწყვეტილებით, „ქართული მისიის" ქუთაისის საქალაქო ორგანიზაციის ხელმძღვანელად ოთარ ბაბუნაშვილი დაინიშნა.
„ქართული მისიის" დამფუძნებლებმა და გამგეობის წევრებმა გუშინ ასევე შეხვედრები გამართეს ქუთაისის მცხოვრებლებთან. „ქართული მისიის" დამფუძნებლებმა გიორგი კორკოტაშვილმა, გიორგი ზარნაძემ და არჩილ შველიძემ განაცხადეს, რომ ქუთაისის ორგანიზაცია აქტივობების განხორციელებას მიმდინარე წლის 20 ივნისიდან დაიწყებს. ამ ეტაპზე მიმდინარეობს წინა მოსამზადებელი სამუშაოები, რისი დასრულების შემდეგაც დაიწყება აქტიური ყოველდღიური მუშაობა.
„ქართული მისიის" ქუთაისის ორგანიზაციაში გაწევრიანება დაიწყება მიმდინარე წლის 20 ივნისიდან და ზ/ა ორგანიზაცია განახორციელებს სხვადასხვა სახის ადგილობრივ პროექტებს.
