კემბრიჯის ჰერცოგინიას, ქეით მიდლტონს ვაჟი შეეძინა. ჩვილი ლონდონის დასავლეთით, პადინგტონის წმინდა მერის საავადმყოფოში 22 ივლისს, ბრიტანეთის დროით 16:24 საათზე, დაიბადა. ახალშობილი 3,7 კილოგრამს იწონის. მისმა მშობლებმა ქეითმა და უილიამმა მთელი ღამე საავადმყოფოში გაატარეს. ჩვილიც და დედაც თავს კარგად გრძნობენ. ვაჟის გაჩენას კემბრიჯის ჰერცოგი პრინცი უილიამი დაესწრო. ახალშობილი კემბრიჯის პრინცი გაერთიანებული სამეფოს ტახტის მესამე მემკვიდრეა, ბაბუის პრინც ჩარლზისა და მამის, პრინც უილიამის შემდეგ. ბრიტანეთის მონარქი არის ბრიტანეთის და ასევე 15 ქვეყნის, მათ შორის კანადისა და ავსტრალიის სახელმწიფოს მეთაური.