ამა თუ იმ საინფორმაციო წყაროში  პრემიერობის  ყველაზე რეალურ კანდიდატად ჯანდაცვის მინისტრი დავით სერგეენკო  სახელდება.  დიდიხანია, რაც საზოგადოებაშიც დომინირებს აზრი სერგეენკოს შესაძლო გაპრემიერებაზე. აღნიშნულ საკითხზე „რეპორტიორი" „ქართული ოცნების" „პოლიტსაბჭოს"  წევრს,  ზვიად ძიძიგურს დაუკავშირდა:

„რაც შემიძლია ამ ეტაპზე გითხრათ, პრემიერობის კანდიდატზე „ქართული ოცნების" „პოლიტსაბჭო" იმსჯელებს არჩევნების შემდეგ. ჯერჯერობით ეს საკითხი საერთოდ არ განხილულა, აქედან გამომდინარე ეს ყველაფერი არის საზოგადოების, ჟურნალისტების მოსაზრებები და მეტი არაფერი."_ განაცხადა „რეპორტიორთან" ზვიად ძიძიგურმა.