პარლამენტში წამლისა და ფარმაცევტული საქმიანობის შესახებ კანონში შესატან ცვლილებებზე იმსჯელებენ. კანონპროექტზე ადამიანთა უფლებების დაცვის, სამოქალაქო ინტეგრაციისა და  იურიდიულის და ჯანდაცვის კომიტეტები გაერთიანებულ სხდომაზე იმსჯელებენ.

კანონპროექტში შესატანი ცვლილებები გულისხმობს ჯარიმების გამკაცრებას იმ აფთიაქებში, სადაც რეცეპტის გარეშე ისეთ მედიკამენტებს გაყიდიან, რომელიც ნარკოტიკული ნივთიერებების დასამზადებლად გამოიყენება.

„ჯანდაცვის მინისტრს მიენიჭება უფლება, ჩამოაყალიბოს ისეთი პრეპარატების ნუსხა, რომლებიც პირდაპირ შეიძლება არაა ნარკოტიკული ნივთიერება, მაგრამ გამოიყენება მათ დასამზადებლად და მასზე სპეციალური კონტროლია გასატარებელი",-აცხადებს საპარლამენტო უმრავლესობის წარმომადგენელი კობა დავითაშვილი.