როგორც მოგეხსენებათ, ევროპის ლიგის 2014/2015 წლების სეზონის ფინალში დნეპროპეტროვსკის „დნიპრო" გავიდა და „სევილიასთან" დაძაბულ ორთაბრძოლაში 2:3 დამარცხდა.

ტურნირზე ასპარეზობისთვის „უეფა"-სგან ფინალისტ „დნიპროს" 9 მილიონი ევრო ერგება, თუმცა უკრაინული კლუბის ღირსების ქართველი დამცველი ჯაბა კანკავა და მისი თანაგუნდელები ამ თანხიდან პრემიებს ვერ მიიღებენ, რადგან იგი მთლიანად Hochtief-ის ანგარიშზე დაირიცხება.

საქმე იმაში გახლავთ, რომ აღნიშნულ კომპანიას „დნიპრო არენის" აშენებაში თანხა არ მიუღია და დნეპროპეტროვსკის კლუბი სწორედ ამ 9 მილიონით გაისტუმრებს ვალის ნაწილს. გავრცელებული ინფორმაციით, „დნიპროს" გერმანულ კომპანიასთან სულ 11 მილიონი ევროს ოდენობის ვალი აქვს.