არქეოლოგიური აღმოჩენა აჭარაში - სოფელ კაპნისთავში არქეოლოგებმა ქართული და ბიზანტიური  წარმოშობის 11 ქვევრი იპოვეს. წინასწარი ვარაუდით, ისტორიული სიძველეები მე-6, მე-11 საუკუნეებით თარიღდება.

ქვევრების მიმდებარე ტერიტორიაზე საცხოვრებლის ნაშთებიც აღმოჩნდა, რაც დახურული ტიპის მარნის არსებობაზე მიანიშნებს. ამავე სოფელში მეცნიერებმა ბრინჯაოს ხანის ლითონის დასამუშავებელ ჯამებსაც მიაკვლიეს, რომლებშიც ლითონი წყლის ენერგიის გამოყენებით მუშავდებოდა.

(მოამზადა თეონა რამაზაშვილმა)