„რეალის" ყოფილმა მწვრთნელმა კარლო აჩელოტიმ მილანში დაბრუნებაზე უარი განაცხადა. მას შემდეგ, რაც იტალიელმა სამეფო კლუბი დატოვა, მას ასარჩევად ორი ვარიატი ჰქონდა - ან „მილანის" ჩაბარება, ან პაუზის აღება. როგორც ჩანს, კარლომ ეს უკანასკნელი აირჩია და „როსონერის" მადლობასთან ერთად, უარიც შეუთვალა.

„დიდი მადლობა „მილანს" ინტერესისთვის. ჩემი საყვარელი კლუბისთვის უარის თქმა ძალიან რთული იყო, მაგრამ მე უნდა დავისვენო. მინდა, „როსონერის" ყველაფერი საუკეთესო ვუსურვო", - წერს ანჩელოტი Twitter-ის გვერდზე.