როგორც მოგეხსენებათ, „ნაპოლის" მთავარი მწვრთნელის პოსტი რაფაელ ბენიტესმა რამდენიმე დღის წინ დატოვა და უკვე გადაწყვეტილია, რომ ესპანელი სპეციალისტი მადრიდის „რეალს" ჩაიბარებს.

ბენიტესი ესპანურ გრანდთან 3-წლიან კონტრაქტს მოაწერს ხელს და ანაზღაურების სახით, სეზონში 4 მილიონ ევროს მიიღებს.

„სამეფო კლუბი" 55 წლის სპეციალისტს „სანტიაგო ბერნაბეუზე" ოფიციალურად დღეს, თბილისის დროით 15:00 საათზე, წარადგენს. ამის შესახებ ინფორმაციას ესპანური კლუბის ოფიციალური ვებ-გვერდი ავრცელებს.