ჯორჯო კიელინიმ გუშინდელი ვარჯიში დროზე ადრე დაასრულა. მიზეზი კი მარცხენა ფეხზე კუნთის დაზიანება გახლდათ. ნიშნავს თუ არა ეს, რომ იტალიის ნაკრების  30 წლის მცველი „ბარსელონასთან" ფინალს გამოტოვებს, ჯერჯერობით უცნობია. იტალიელ მცველს გამოკვლევა დღეს ჩაუტარდება და იქ გაირკვევა ტრავმის სიმძიმე.

აღსანიშნავია, რომ ანდრეა ბარძალი თავს კარგად გრძნობს და სავარაუდოდ, ფინალში თამაშს შეძლებს. „იუვენტუსი" ჩემპიონთა ლიგის ფინალში 6 ივნისს ბერლინში კატალონიის „ბარსელონას" დაუპირისპირდება.