საქმე იმაშია, რომ „ბარსელონას" და ბრაზილიის ნაკრების შემტევი - ნეიმარი, შესაძლოა 2006 წელს მადრიდის „რეალში" გადასულიყო. თავის დროზე მადრიდელებმა მის სანაცვლოს 60 000 დოლარი არ გადაიხადეს, იტყობინება Marca.

მაშინ ნეიმარმა „ბლანკოსის" აკადემიის მიერ მოწყობილ ტურნირზე მიიღო მანაწილეობა. ტურნირს „ხმელთაშუა ზღვის საერთაშორისო თასი" ეწოდებოდა (MIC). ნეიმარის სანაცვლოდ მისმა აგენტმა და მშობლებმა 60 000 დოლარი მოითხოვეს, რაც მადრიდელებს ეძვირათ და ტრანსფერზე უარი განაცხადეს.

მიმდინარე სეზონში ნეიმარმა 50 შეხვედრა ჩაატარა და 38 გოლის გატანა მოახერხა. სეზონის ბოლო შეხვედრა „ნეიმარს და კომპანიას" 6 ივნისს ჩემპიონთა ლიგის ფინალში „იუვენტუსის" წინააღმდეგ ელის.