„ბექა ბასილია არათუ გადაცემის ეთერში იჯდება მომავალში, არამედ დაიკავებს იმ ადგილს, სადაც უნდა იყოს. მე ვგულისხმობ ციხეს!"- განაცხადა ბიზნესმენმა ვალერი შოშიაშვილმა გადაცემაში „არჩევანი" მიხეილ სააკაშვილზე და მის გარემოცვაზე საუბრისას.
„ადამიანების გამოყენება, რასაც „ნაციონალური მოძრაობა" მთელი ცხრა წლის განმავლობაში აკეთებდა, დღესაც გრძელდება. 100 კილო სამწვადისა და 200 ლიტრი ღვინოს გულისთვის შეკრიბა დღეს „ნაციონალურმა მოძრაობამ" ხალხი ყვარელში, გამოათრო და დაზეპირებულ შეძახილებს გაჰყვიროდნენ.
„ნაციონალური მოძრაობის" ის უმაღლესი რანგის პირები, რომლებიც პარტიულ ელიტას წარმოადგენენ „ნაციონალური მოძრაობისთვის," ვირთხებივით იყვნენ გამაგრებულები სააკაშვილის სახლში, ისევე როგორც 2008 წლის აგვისტოს ომის დროს, ვირთხასავით ხოხავდა მიწაზე მიხეილ სააკაშვილი."- განაცხადა შოშიაშვილმა.
