ჟურნალისტი ირაკლი კორძაია კაფე „რუუმს"-ში ბესიკ ხარძიანის მკვლელობასთან დაკავშირებით, მასსა და დაინტერესებულ პირებს შორის შეხვედრას იხსენებს. მისი თქმით, შეხვერდაზე დეპუტატი ვიქტორ ჯაფარიძე და სოზარ სუბარი იმყოფებოდნენ. საკითხით დაინტერესებული კი ვიქტორ ჯაფარიძე იყო.
„ბესო ხარძიანის ქვრივსა და ვიქტორ ჯაფარიძეს შორის სატელეფონო საუბარი შედგა და ბატონმა ვიქტორმა თქვა, რომ საკითხით დაინტერესება მას უდესიანის ხალხმა სთხოვა.
სამწუხაროა, რომ ისეთ ქვეყანაში ვცხოვრობთ, სადაც ბერლინიდან ნათქვამი სიტყვა უფრო კარგად ისმის, ვიდრე თბილისიდან! გარკვეული დაინტერესება მხოლოდ მას შემდეგ დავინახე, რაც მე რიგაში და ბერლინში ჩავედი.
მიკვირს ის, რომ ორი-სამი თვის განმავლობაში იმ განცხადებების შემდეგ, რომელიც მე ბერლინიდან გავაკეთე, ხელისუფლების მხრიდან არანაირი დაინტერესება არ ყოფილა. ამ საკითხით ადამიანის უფლებათა კომიტეტიც კი არ დაინტერესდა. ეს არის აბსურდული მდგომარეობა.
გარკვეული მედიასაშუალებების მხრიდან, „სანდო წაყროებზე" დაყრდნობით ხდება ისეთი ინფორმაციის გავრცელება, რომლის მიხედვითაც გია უდესიანი ხდება გმირი და უდესიანის უშუალო მსხვერპლის, ბესიკ ხარძიანის სახელის დემონიზაცია! ეს არის რეალობა, რომელშიც ჩვენ ვცხოვრობთ."- განაცხადა ირაკლი კორძაიამ გადაცემაში „რეაქცია."
