„უფლებადამცველთა გაერთიანების" თავმჯდომარის, ნიკოლოზ მჟავანაძის განცხადებით სასამართლო სისტემაში ძირითადად ზურაბ ადეიშვილის კადრები არიან და ამიტომ ბევრი საქმის გამოძიება ჭიანურდება.
„პროკურატურამ რაც არ უნდა გამოიძიოს თუ მოსამართლე არ განიხილავს ამას კვალიფიციურად, არაფერი გამოვა. ჩვენ ვხედავთ, რომ სასამართლოს სისტემის მაღალ იერარქიებში ყოფილი უშიშროების და პროკურატურის თანამშრომლები არიან. უზენაესი სასამართლოს თავმჯდომარის მოადგილე ადეიშვილის კადრი- ვასილ როინიშვილია. ჩინჩალაძე- ადეიშვილის კადრია.
სასამართლო ადეიშვილის კადრებით არის დაკომპლექტებული.
ხალხს ძალიან გაეხარდებოდა ყოფილი ხელისუფლების წარმომადგენლები საცვლების ამარა რომ გამოეყარათ ქუჩაში. დღევანდელი ხელისუფლება ზედმეტად დემოკრატიულია, იმიტომ, რომ ჩვენ ვხედავთ ადამიანებს, რომლებიც ციხეში უნდა ისხდნენ, გამოდიან და უფლებადამცველის მანტიის სახელით საუბრობენ."- განაცხადა მჟავანაძემ გადაცემაში „რეაქცია."
