იუნესკოს ერთ-ერთი რეკომენდაცია შესრულებულია - მცხეთის ისტორიულ ნაწილში იუსტიციის სახლი აღარ აშენდება. სამინისტრო მშენებლობისთვის ახალ ტერიტორიას შეარჩევს, რომელიც ისტორიული ქალაქის განაშენიანების გეგმასთან იქნება შეთანხმებული.

იუსტიციის სახლის მშენებლობის საკითხი მცხეთის განაშენიანებაში არსებულ სხვა დარღვევებთან ერთად იუნესკოს კრიტიკის საფუძველი 2012 წელს გახდა. 

რეკომენდაციების შეუსრულებლობის გამო, მცხეთა გაეროს კულტურის ორგანიზაციამ საფრთხეში მყოფი ძეგლების ნუსხაშიც კი გადაიტანა.

(მოამზადა თეონა რამაზაშვილმა)