მომღერალი ირმა სოხაძე ქვეყანაში უმუშევრობის დიდ პრობლემაზე საუბრობს და აღნიშნავს, რომ მართლა პროფესიონალები, რომლებსაც დიდი სამუშაო გამოცდილება და უმაღლესი განათლება აქვთ, დღეს დაუსაქმებლები არიან.

„ჩემს მეგობრებს ეღიმებთ იმაზე, რომ მე დღეს დაუსაქმებელი ვარ, იმიტომ, რომ მე მართლა პროფესიონალი ვარ!  

როგორც მომღერალს, ცალკე მაქვს პრეტენზია, რომ არ ვარ ისე დასაქმებული, როგორც უნდა ვიყო. მაგრამ ამას თავი დავანებოთ, ის, რომ ძალიან დიდი გამოცდილება მაქვს თუნდაც ტელევიზიის კუთხით. უმცროსი რედაქტორიდან, არხის გენერალური დირექტორის მოადგილემდე ვიმუშავე და ძალიან ბევრი გამიკეთებია.

მიკვირს, რომ ჩემი პროფესიონალიზმის გათვალისწინებით, დღეს დაუსაქმებელი ვარ!"- განაცხადა სოხაძემ გადაცემა „რეაქციაში".