„ჩიქოვანზე მდებარე საცხოვრებელ შენობებს გეოლოგები სწავლობენ."- განაცხადა „რეპორტიორთან" საუბარში საბურთალოს რაიონის გამგებელმა, ბექა მიქაუტაძემ სტიქიის შემდგომ არსებული ვითარების შესახებ საუბრისას.
საბურთალოს რაიონის გამგებლის განცხადებით, ყველა კორპუსს, რომელიც დატბორილ ადგილზე მდებარეობს შესაბამისი, კომპეტენტური პირები შეისწავლიან და მხოლოდ პროფესიონალური დასკვნის დადების შემდეგ დაიწყება შენობების რეაბილიტაცია.
„გეოლოგებმა დაგვიდეს დასკვნა, რომ სტიქიამ 3 სახლი მიწიანად წაიღო, დანარჩენი 5 სახლში ჯერ ჯერობით მშენებლობის დაწყება არ არის უპრიანი. ამიტომ ჩვენ სხვა ადგილებს მოვძებნით ამ ადამიანებისთვის. სტიქიისგან მიყენებული ზარალი გვაქვს სოფელ დიღომშიც. იქ სტიქიამ დააზიანა რამდენიმე ოჯახი და გაწმენდითი სამუშაობები მიმდინარეობს. ამ ეტაპზე შეგვიძლია 4 ოჯახს გავუკეთოთ უახლეს მომავალში ბინები და გადავიყვანოთ, დანარჩენი ოჯახების პრობლემების მოგვარება შესაძლოა დროში გაიწელოს, თუმცა მათ ჩვენ ვუქირავებთ ბინებს."- განაცხადა ბექა მიქაუტაძემ.
