მიმდინარე წლის 20 ივნისს „ქართული მისია" და მისი პარტნიორი ორგანიზაცია „პენსიონერთა, ინვალიდთა და ხანდაზმულთა კავშირი" ოკუპირებული ტერიტორიის მიმდებარე სოფლებს ეწვევა  და სამედიცინო ტიპის საქველმოქმედო აქციას გამართავს.

აქციის ფარგლებში ორგანიზაციები უფასოდ დაურიგებენ სხვადასხვა სახის მედიკამენტებს სოფელ დიცში მცხოვრებ პენსიონერებსა და ხანდაზმულებს. აქციის მონაწილეები ასევე მიიღებენ უფასო სამედიცინო მომსახურებას, ექიმებთან კონსულტაციის სახით. „ქართული მისიის" გამგეობის წევრები გიორგი ზარნაძე, არჩილ შველიძე და დავით ონიანი გამართავენ შეხვედრას სოფლის მოსახლეობასთან და ადგილზე გაეცნობიან არსებულ პრობლემებს. „ქართული მისიის" მიერ ასევე იგეგმება სხვა საზღვრისპირა სოფლების მონახულებაც.