არასამთავრობო ორგანიზაცია „თავისუფალი თაობის" ლიდერი, ლადო სადღობელაშვილი ჯგუფ „პლაცებოს" წევრის განცხადებას, სტიქიის შედეგად დაზარალებული ზოოპარკის ბინადრის, ბეჰემოთის ქალაქში გაქცევის შესახებ უარყოფითად აფასებს და „რეპორტიორთან" საუბარში აღნიშნავს, რომ რამდენიმე არასამთავრობო ორგანიზაცია თავად ფესტივალსა და ამ ჯგუფის თბილისში ჩამოსვლას აუცილებლად გააპროტესტებს.
„ვინ არიან ფესტივალ „ალტერვიზიას" ორგანიზატორები? ესენი არიან იმ ძველი რეჟიმის წარმომადგენლები, რომლებიც წლების განმავლობაში ხალხს აუბედურებდნენ. ვერეს ხეობის დატბორვის შემთხვევაშიც უგულავა იყო დანმაშავე და ფესტივალის სულის ჩამდგმელიც გიგი უგულავაა.
საერთოდ არ მივაქცევდი ამას ყურადღებას, რომ არა ერთი ფაქტი. სწორედ ამ ტრაგედიის შესახებ, ერთ-ერთი ფსტივალის მონაწილე, ჯგუფ „პლაცებოს" წევრი გამოვიდა ძალიან ცუდი განცხადებით.
იგი გასაჭირში მყოფ ქართველ ხალხს დასცინის და გმირთა მედანზე მყოფი ბეჰემოთის ფოტოზე წერს, რომ ერთი სული აქვს, როდის მიიღებს ამ ცრიკში მონაწილეობას. რეალურად მან ჩვენი ტკივილი და ეროვნული ტრაგედია არ გაიზიარა და ეს ჩემ აზრით ვანდალური ფაქტი უფრო არის, ვიდრე ხელოვანის განცხადება.
მიმაჩნია, რომ ჩვენ, საზოგადოებამ უნდა დავაფიქსიროთ ჩვენი პოზიციები ამ ფესტივალის მიმართ და პროტესტი გაოვუცხადოთ.
ჩვენ, რამდენიმე არასამთავტრობო ორგანიზაცია აუცილებლად მივიღებთ ზომებს და გავაპროტესტებთ ჯგუფ „პლაცებოს" ჩამოსვლას."- განაცხადა სადღობელაშვილმა.
ჯგუფ პლაცებოს ბასისტმა, შტეფან ოლსდალმა, სოციალურ ქსელ ინსტაგრამში ბეჰემოტის ფოტო გამოაქვეყნა წარწერით: "ეს არის თავისუფალი ბეჰემოტი თბილისის ქუჩებში. პლაცებო იქ დაუკრავს რამდენიმე კვირაში. ერთი სული მაქვს, როდის შევუერთდები ცირკს".
მოგვიანებით მან ფოტო წაშალა და მის ნაცვლად ახალი ფოტო გამოაქვეყნა, რომლის აღწერაშიც საკუთარი საქციელი განმარტა.
"მე ვერ გავიაზრე მომხდარის რეალური ეფექტი,"- წერს შტეფან ოლსდალი.
