საქართველოს ყოფილმა პრემიერ-მინისტრმა ბიძინა ივანიშვილმა სტიქიის დროს მთავრობის მუშაობა შეაფასა.
„ვფიქრობ, რომ ძალიან ადეკვატურად, ძალიან კარგად მოიქცა მთავრობა, პირადად პრემიერი, მთელი მთავრობა იყო მობილიზებული. მთლიანობაში საზოგადოებამ საოცარი კონსოლიდაცია გამოამჟღავნა, განსაკუთრებით ახალგაზრდობამ.
არ ვიზიარებ, რომ ვიღაცები უნდა დავიჭიროთ მთავრობიდან, პირიქით, ვფიქრობ, ყველაფრი კარგად ხდებოდა. მაქსიმალურს აკეთებდა ხელისუფლება, მთავრობა იყო მობილიზებული.
თუმცა, თუ ეს კითხები გაგაჩნიათ თქვენ, თქვენ ჟურნალისტები ხართ... არ არსებობს, საქმეს აკეთებდეს ვინმე და იქ პატარა შეცდომა მაინც არ იყოს. შეიძლება, ნებისმიერმა საქმემ გარკვეული კითხვა დატოვოს, ოღონდ ჟურნალისტებმა და საზოგადოებამ მაქსიმალურად უნდა მოახერხოთ და ობიექტურად შეაფასოთ. არ უნდა შეეცადოთ, რომ რაღაც იპოვოთ და ყველაფერს ფასი დაუკარგოთ, ხაზი გადაუსვათ", -განაცხადა ბიძინა ივანიშვილმა
