ცოტა ხნის წინ დენიელ სიბერგმა ჩაატარა დიდი ლექცია თემაზე, როგორ შევწყვიტოთ სმარტფონის აღქმა, როგორც სხეულის ნაწილის. მან პროცენტული მაჩვენებლები და ბევრი სხვა მონაცემი მოიყვანა, თუ როგორ შემოიჭრა გაჯეტები ადამიანის ცხოვრებაში და რა მავნე ფიზიკურ, გონებრივ და ფსიქოემოციურ გავლენას ახდენს მასზე. თვალსაჩინოებისთვის მას ეს ფოტოკოლაჟიც ჰქონდა გამოყენებული - ახალგაზრდა დედის, რომელიც მობილურ ტელეფონზე ლაპარაკს მაშინაც კი არ წყვეტს, როდესაც ბავშვის ეტლი ყირავდება და ბავშვი ეტლიდან ვარდება. ბევრისთვის ტელეფონი და მასზე საუბარი ისეთ ყველაზე მნიშვნელოვან არსებაზე მნიშვნელოვანიც კი ხდება ხოლმე, როგორიც მისი შვილია.
ამ ფოტოზე ასახული გოგონა ბრიტანელი ვარსკვლავი პიჩეს გელდოფია. ფოტო არ არის ახალი და თავის დროზე, დედისა და 5 თვის ბავშვის პერიპეტიებმა საზოგადოება შოკში ჩააგდო. 23 წლის დედა მაშინ ბევრმა გაკიცხა და ლამის ანათემაზე გადასცეს. თუმცა ისეთებიც გამოჩნდნენ, რომლებმაც აღიარეს, რომ მსგავს სიტუაციებში თავადაც ყოფილან და ვერ დაუნებებიათ თავი ტელეფონისთვის.
წლები გავიდა და დენიელ სიბერგი ამტკიცებს, რომ მდგომარეობა მხოლოდ უარესისკენ შეიცვალა. ამაზე დაფიქრება ალბათ ღირს.
წყარო: mshoblebi.ge
