13 ივნისის სტიქიით დაზარალებულთა დასახმარებლად მიხეილ თუმანიშვილის სახელობის კინომსახიობთა თეატრი შოთა რუსთაველის სახელობის თეატრში სპექტაკლით „ჯერ დაიხოცნენ, მერე იქორწინეს" წარსდგა.
სპექტაკლის დანიშვნის დღესვე ყველა ბილეთი გაიყიდა. რუსთაველის თეატრის დიდი დარბაზი 800-მდე მაყურებლით შეივსო.
„ანშლაგი შოთა რუსთაველის სახელობის რუსთაველის თეატრის სცენაზე.
მიხეილ თუმანიშვილის სახელობის კინომსახიობთა თეატრისა და შოთა რუსთაველის სახელობის თეატრის ერთობლივი პროექტი საქველმოქმედო სპექტაკლი
„ჯერ დაიხოცნენ, მერე იქორწინეს"...
13 ივნისს სტიქიის შედეგად დაზარალებულთა დასახმარებლად გაყიდული ბილეთების თანხა შეადგენს 9605 ლარს.
უღრმესი მადლობა პირველ რიგში თქვენ! ჩვენო ერთგულო მაყურებელო!"-აღნიშნულია თუმანისვილის თეატრის მიერ გავრცელებულ განცხადებაში.
(მოამზადა თეონა რამაზაშვილმა)
