საქართველოს ფეხბურთის ფედერაციის გენერალურმა მდივანმა რეზი არველაძემ ბილეთებთან დაკავშირებით გადაცემა „რეაქციაში" ისაუბრა.

მისი განცხადებით,  ერთადერთი შეცდომა, რომელიც ფედერაციამ დაუშვა ის იყო, რომ რამდენიმე დღით ადრე არ შექმნა ჯგუფი, რომელიც დატესტავდა Biletebi.Ge-ს.

„ბუნებრივია, ძალიან მნიშვნელოვანი თამაშია. ჩვენი ქვეყნისთვის ეს იყო გამოუცდელობის პიკი, რადგან საქართველოს მსგავსი მატჩის ჩატარების გამოცდილება არ ჰქონია. ფედერაციის ერთადერთი შეცდომა ის იყო, რომ ჩვენ არ შევქმენით სპეციალური ჯგუფი, არ გავაგზავნეთ Biletebi.Ge-ზე და არ გავაკეთეთ იმიტირებულად ბილეთების გაყიდვა. ვაღიარებ, რომ შესაძლოა ეს იყო ჩვენი შეცდომა.

მე არ მინდოდა, რომ ბილეთები გაყიდულიყო პირდაპირი გაყიდვის წესით. ბუნებრივია, რომ ყველა გულშემატკივარი კმაყოფილი ვერ იქნება. ერთი კი ნამდვილად გულსატკენი ფაქტია, რომ, როდესაც ვიღაცას პატარა შანსი მიეცემა, მაშინვე ჩვენს გაქილიკებას იწყებს. „სუპერ თასი" არ აწერია ზურგზე ფედერაციას, ეს არის თბილისის და საქართველოს პრესტიჟი." - განაცხადა არველაძემ.

(მოამზადა თეონა რამაზაშვილმა)