ფეხბურთის ფედერაციის გენერალური მდივნის, რეზი არველაძის განცხადებით, თუ შენიშნავს, რომ ფეხბურთში გარკვეული ტენდენციები არსებობს, იგი არ გაჩუმდება.
„არავისთან ურთიერთობა არ დამძაბვია, ჩემი ცხოვრების წესი, არავისთან ურთიერთობის დაძაბვას არ განიხილავს, მითუმეტეს იმ ადამიანებთან, ვისთან ერთადაც ფეხბურთი მითამაშია და ცხოვრების რაღაც ნაწილი გამიტარებია"- , განაცხადა რეზი არველაძემ "რეაქციის" ეთერში ფეხბურთის ფედერაციაში მოახლოებულ არჩევნებთან დაკავშირებით.
„განცხადებებიდან შეიძლება ჩანდეს ესე, რომ კალაძის ფავორიტი არის კობიაშვილი მაგრამ მე ძალიან დიდი იმედი მაქვს, რომ ჩვენი დღევანდელი მთავრობა და სახელმწიფო, ამას შეხედავს, როგორც სპორტის ერთი სფეროს შიდა არჩევნებს. აქ რამოდენიმე არჩევნები იყო, რომელიღაცა ფედერაციებში, სადაც იყო ცალკეული ადამიანების მცდელობა, მაგრამ იმ სამყარომ, რომელ სამყაროსაც ეკუთვნოდა ეს არჩევნები, აბსოლუტურად სხვა გადაწყვეტილება მიიღო და სხვანაირი არჩევნები ჩაატარა.
მე დღეს არ ვიტყვი, რომ ენერგეტიკის მინისტრი ერევა ფეხბურთში, მაგრამ თუ ჩაერევა ყველაფრს ვიტყვი, ეხლა რატომ უნდა ვთქვა, როცა არანაირი ფაქტი არ არის იმის, რომ მე ვინმე რაღაცას მიკრძალავს ან ხელს მიშლის, ან ხელებს მიგრიხავს. არ ვარ იმ კატეგორიის ადამიანი, რომ გული გამისკდეს და არაფერი არ ვთქვა, შესაბამისად ტყუილი რომ ვთქვა, არ იქნება სწორი",-განაცხადა არველაძემ.
(მოამზადა თეონა რამაზაშვილმა)
