ბათუმში ახალი რკინიგზის  სადგური „ბათუმი ცენტრალი" გაიხსნა.

სადგურის მშენებლობაში ინვესტორმა კომპანიამ „ბათუმის ცენტრალი" 8 მილიონი დოლარის ინვესტია, „საქართველოს რკინიგზამ" კი 3 მილიონი ლარი ჩადო.

სადგურში ფუნქციონირებს ავტობუსებისა და მიკროავტობუსების სადგური, სავაჭრო ცენტრი, კვების ობიექტები, ბავშვთა გასართობი ცენტრი.

„ბათუმი ცენტრალს" 25 ავტობუსის ბაქანი აქვს და საათში შესაძლებელია 50 ავტობუსის მიღება-გაშვება, პარალელურ რეჟიმში სადგურს 3 მატარებლის მიღება შეუძლია.

სადგურში 300-ზე მეტი ადამიანი დასაქმდება.

„ბათუმი უკვე აღარ არის რკინიგზისგან მოწყვეტილი ქალაქი და მგზავრები ზღვისპირა ქალაქში მატარებლით ჩასვლას იმავე დროში, იმავე ფასად შეძლებენ, როგორც თბილისიდან მახინჯაურის სადგურამდე. შენობაში 22 ათას 500 კვადრატულ მეტრზე რკინიგზის სადგურის გარდა განთავსებულია ბიზნეს-ობიექტები, გასართობი ცენტრები და ავტოსადგური, კომპანია „ბათუმი-ცენტრალმა" აჭარის ფინანსთა და ეკონომიკის სამინისტროსგან აუქციონის წესით შეიძინა და მშენებლობისათვის 8 მილიონი დოლარი დახარჯა. სარკინიგზო ინფრასტრუქტურის მოსაწყობად კი "საქართველოს რკინიგზამ" 3 მილიონი ლარი გამოყო", - აცხადებენ „საქართველოს რკინიგზაში".

(მოამზადა თეონა რამაზაშვილმა)