დე-ფაქტო სამხრეთ ოსეთის ე.წ. საზღვრის აღმნიშვნელი მორიგი ბანერები ამჯერად გორის რაიონში სოფელ ხურვალეთში დაამონტაჟეს. სოფლის სახნავ-სათეს ფართობებში რუსი ე.წ. მესაზღვრეები და დე-ფაქტო რესპუბლიკის წარმომადგენლები გუშინ საღამოს გამოჩნდნენ.

ადგილობრივების განცხადებით, სოფლის კუთვნილი მიწების დაახლოებით 70% ოსური მხარის კონტროლირებად ტერიტორიაზე მოექცა.

ხურვალეთის მცხოვრებლებს ბანერს მიღმა დარჩენილ ტერიტორიაზე 10 ჰექტარზე მეტ ფართობზე ხორბალი და ქერი აქვთ დათესილი. მოსავლის აღებას კი ვეღარ შეძლებენ.

ხურვალეთისა და წითელუბნის მცხოვრებლები აცხადებენ, რომ სახნავ-სათესი ფართობების გარდა, სოფლების საძოვრებიც დაკარგეს.