კომერციული ბანკების მიმართ მომხმარებელთა საჩივრები სექტემბრის მონაცემებითაც გაზრდილია. ეროვნული ბანკის ოფიციალური ინფორმაციით, სექტემბერში 265 საჩივარი დაფიქსირდა, რაც აგვისტოს შედეგზე 17-ით მეტია.
ყველაზე მეტი - 62 საჩივარი ისევ საკრედიტო ბარათების მიმართ არის, 59 საჩივარი მიმდინარე ანგარიშებს ეხება, 38 სამომხმარებლო სესხს.
პრეტენზიები ძირითადად ტრანზაქციებთან, ჯარიმებთან, ვაგადაცილებასთან და ადმინისტრაციის მომსახურებასთან დაკავშირებით არის შესული. ბანკებმა სექტემბრის საჩივრებიდან 114 განიხილეს და უსაფუძვლოდ მიიჩნიეს, 75 პრეტენზია საფუძვლიანი აღმოჩნდა, ხოლო 76-ის განხილვა არ დასრულებულა.
შეგახსენებთ, რომ ეროვნულმა ბანკმა ბანკებს მომხმარებლისთვის სესხის და სხვა პროდუქტების შესახებ დეტალური ინფორმაციის მიწოდება 2011 წლის მაისიდან დაავალა, პარალელურად ეროვნულ ბანკში სპეციალური ცხელი ხაზი ამოქმედდა.
