თუმანიშვილის თეატრის მსახიობის გოგა პიპინაშვილის განცხადებით სპექტაკლ „ემიგრანტების" მიხედვით, მის მიერ შექმნილი კინო სცენარი, რომელიც ქართველ ემიგრანტებს ეხება, ბევრი ადამიანის ყურადღებას მიიპყრობს.
როგორც მსახიობმა რადიო „სპუტნიკთან" საუბარში განაცხადა, საქართველოდან წასული ყველა ემიგრანტი, რომლებსაც სხვა ქვეყანაში ურთულესი პერიოდის გადატანა მოუწიათ, „ემიგრანტებში" საკუთარ თავს დაინახავს.
„არ მეგულება საქართველოში ოჯახი, რომელსაც ოჯახის წევრი, ახლობელი ან შვილი ემიგრაციაში არ ჰყავს.
„ემიგრანტები" სწორედ ქართველი ემიგრანტების იმ ბედკრულ დღეებს ეხება, რომლებსაც ისინი საზღვარგარეთ გადიან. ეს პერიოდი კი ყველა ემიგრანტისთვის არსებობს. პირველი სამი-ხუთი თვე ყველასთვის ერთნაირია. შესაძლოა იქ ჩასული ადამიანი ძაღლის კონსერვს არ ეძებდეს საჭმელად, მაგრამ იაფფასიან პროდუქტებს რომ ეძებს, ფულის ეკონომიისთვის, ეს აქტუალური თემაა და დღემდე მუშაობს.
არ მესმის, როდესაც თემა ასეთი აქტუალურია, ის რატომ არ უნდა დაფინანსდეს.
არ ვერჩი არავის, ღმერთმა ყველს გაუმარჯოს. კინოცენტრმა ძალიან ბევრი ნიჭიერი ახალგაზრდის პროექტი დააფინანსა, მაგრამ..."- განაცხადა გოგა პიპინაშვილმა.
(მოამზადა თეონა რამაზაშვილმა)
