„დამთავრდა ის ეპოქა, როდესაც იყო გოგი, ეროსი, რამაზი და ა.შ. მორჩა! და რა, აღარ ვითარდება აღარაფერი?
უნიჭიერესი ადამიანები მოდიან, ჩვენზე მეტად ინფორმირებულები, დიდი შესაძლებლობების მქონე ახალგაზრდები. სამწუხაროდ, ის პატარა კალაპოტი, რომელშიც უნდა გაცუროს, რომ სათავემდე მივიდეს, არ არის! რა ვქნათ?!"- განაცხადა თუმანიშვილის თეატრის მსახიობმა გოგა პიპინაშვილმა რადიო „სპუტნიკის" ეთერში საუბრისას.
პიპინაშვილის თქმით, თეატრალური განხრით საქართველო უკვე ცუდ მდგომარეობაშია და ახლა რჩევა განვითარებული ქვეყნების წამყვან სპეციალისტებს უნდა ვკითხოთ.
„უნდა მოხდეს სერიოზული ინვესტირება. ძალიან ბევრი მოწინავე ქვეყნების სკოლებიდან უნდა იქნენ მოწვეული პედაგოგები და ახლებური მიდგომით უნდა ჩანაცვლდეს პედაგოგიკა. როგორც კი ასე მოხდება, ის განვითარების სწორ გზას თვითონ ნახავს, იმიტომ, რომ ქართული გენეტიკა ამაზეა დაფუძნებული,"- განაცხადა პიპინაშვილმა.
(მოამზადა თეონა რამაზაშვილმა)
