ეკონომიკის ექსპერტის დემურ გიორხელიძის პროგნოზით, სექტემბერ-ოქტომბრიდან ეროვნულ ვალუტას - ლარს პრობლემები გაუმძაფრდება.
„საგარეო ფაქტორები არათუ უმჯობესდება, პირიქით, უფრო უარესდება. საბერძნეთში რაც ხდება, ვხედავთ. უკრაინაში ვითარება კიდევ უფრო დაიძაბება. რუსეთში მდგომარეობას გამოსწორებისა არაფერი ეტყობა. ევროკავშირშიც ეკონომიკური თვალსაზრისით, საქმე კარგად არ არის! ახლა ზაფხულის სეზონია და თითქოს, ტურისტებმა ქვეყანაში უცხოური ვალუტა უნდა შემოიტანონ, თუმცა ესეც ილუზიაა! საქართველოში ადამიანებს შემოსავალი არ აქვთ, რის გამოც მოხმარება იკლებს და შესაბამისად, იმპორტიც შემცირდება. ამდენად, სექტემბერ-ოქტომბრიდან ეროვნულ ვალუტას - ლარს პრობლემები გაუმძაფრდება", - განაცხადა გიორხელიძემ.
წყარო: გაზეთი „ასავალ-დასავალი"
(მოამზადა ალა გრიგალაშვილმა)
