კოდორის ყოფლი რწმუნებულის პოსტი 2004 წლის დეკემბერში აფხაზეთის მაშინდელი ლეგიტიმური მთავრობის თავმჯდომარის ირაკლი ალასანიას გადაწყვეტილებით გაუქმდა.
„რამდენად სწორი იყო ეს გადაწყვეტილება, პირადად ვუთხარი ირაკლის. რამდენად სწორი ვიყავი მე, ეს ცხოვრებამ გვიჩვენა",- ამობობს კოდორის ყოფილი რწმუნებული ემზარ კვიციანი მედიაჰოლდინგ „რეპორტიორისა" და ქვემო ქართლის ტელე-რადიოკომპანიის ერთობლივ პროექტში - „რეპორტიორის თვალით..."
„ჩვენ ახლა ეკონომიკურად მოვაძლიერებთ ხეობას, გზებს გავაკეთებთ - ინფრასტრუქტურას შევქმნით, ჯარსაც შევიყვანთ..." - და ჯარი რომ ახსენა, გავაჩერე და ვუთხარი - თუ ხელშეკრულების გაუქმებამდე ჯარის შეყვანას აპირებდა, გამოდიოდა, რომ ხეობის ჩაბარება ჰქონდა გადაწყვეტილი ხელისუფლებას. - გამორიცხულია, მე აქ არ ვარო?! ვუთხარი, მის ნაცვლად ოდესმე სხვა რომ დაენიშნათ, მაშინ ვინ იქნებოდა პასუხისმგებელი ხეობაზე? - მე ვიქნებიო, - გამიმეორა. ამიტომ ვეკითხები ყოველთვის, როცა ამის საშუალება მეძლევა - ბატონო ირაკლი, რატომ ჩააბარეთ კოდორის ხეობა მტერს?! ასეა, სიტყვა თქვა და ... ირაკლი ალასანია ისე მიიყვანეს, როგორც ირაკლი ოქრუაშვილი. ოქრუაშვილი - „მონადირის" მოსასპობად, ხოლო - ალასანია გუბერნიის მოსასპობად. მოგვიანებით აღმოვაჩინე, რომ ირაკლი ალასანია და ირაკლი ოქრუაშვილი ჯგუფელები ყოფილან და არამარტო ეს ორი. როგოორც აღმოჩნდა, მთელი ის ჯგუფი ჩართული იყო კოდორის ხეობის გასხვისებაში და შემდგომ, მიხეილ სააკაშვილთან ერთად - მთელი ქვეყნის გასხვისებაში. კოდორის ხეობა ჩაბარდა, გაერო-ში მაშინ ვინ იყო ჩვენი წარმომადგენელი? - ირაკლი ალასანია. გაერო-მ რა? - უბრალოდ დაბურძგლა და სულ ეს იყო", - იხსენებს კვიციანი.
„რეპორტიორის" კომენტარზე, რომ - ფიქრია ჩიხრაძის თქმით, 2006 წლის ერთ-ერთ შეხვედრაზე ირაკლი ალასანია კბილებით იცავდა პოზიციას, რომ „მონადირე" არ გაუქმებულიყო, კვიციანი ამბობს:
„არ გამიკვირდება, თქვან, რომ ერთ-ერთი კბილი მაშინ მოიტეხა. სისულელეა, ესაა მლიქვნელობა იმისთვის, რომ მერე ირაკლი გააპიარონ", - განაცხადა ემზარ კვიციანმა.
ინტერვიუს სრული ვიდეოვერსია:
https://www.youtube.com/watch?v=t0OCMX-bvW4
