რესტორანი სიბნელეში, ეს არის პროექტი, რომელიც საქართველოს მასშტაბით პირველად ხორციელდება. ქართველ გურმანებს 18 ივლისიდან საშუალება ექნებათ, გამოსცადონ, თუ როგორია, იყო უსინათლო და საკვები მხოლოდ სურნელისა და გემოს მიხედვით აღიქვა. დარბაზში შესვლამდე კლიენტი ვალდებულია, ძვირფასი ნივთები, კოსტიუმი, მობილური ტელეფონი და მანათობელი ციფერბლატის მქონე საათი შემნახველ საკანში ჩააბაროს.

რესტორანს განსხვავებული კულინარიული მენიუ აქვს. იქ მისულ სტუმრებს 4 სახის მენიუ დახვდებათ, მათ შორის მენიუ სიურპრიზი და მათი ფასი 60-დან 80 ლარამდე იქნება. რესტორანში ყოფნის ხანგრძლივობა განსაზღვრულია და იგი ნახევარ საათს შეადგენს.

„ბნელი" რესტორანი პირველად 1999 წელს პარიზში გაიხსნა და მისი მფლობელი და იდეის ავტორი უსინათლო გახლდათ. თბილისში „ბნელი" რესტორანი საქველმოქმედო ხასიათს ატარებს და მიმტანებად უსინათლოები და მხედველობადაქვეითებული ადამიანები დასაქმდებიან.

რესტორანი 1ST SENSE (პირველი გრძნობა) სოლოლაკში, ასათიანის #33-ში მდებარეობს. მსურველებს შესაძლებლობა აქვთ რესტორანს კვირის სამი დღის მანძილზე ეწვიონ,  კერძოდ: ოთხშაბათს, შაბათსა და კვირას. რესტორანი 15:00-დან 21:00 საათამდე მუშაობს.

რესტორნის facebook გვერდი:   https://www.facebook.com/1stsensetbilisi?fref=ts