19 ივლისს „ქართულმა მისიამ" მეორე მცირემაშტაბიანი სამედიცინო ხასიათის საქველმოქმედო აქცია გამართა გარდაბნის რაიონის ვაზიანის სამხედრო დასახლებაში.
ორგანიზაციის პარტნიორმა ექიმმა უფასო სამედიცინო შემოწმება ჩაუტარა ვაზიანის დასახლებაში მცხოვრებ 50-მდე ქალბატონს. „ქართული მისია" ივლისის ბოლოს მის პარტნიორ ორგანიზაცია „პენსიონერთა ინვალიდთა და ხანდაზმულთა კავშირთან" ერთად გეგმავს ფართომასშტაბიანი მესამე სამედიცინო ხასიათის აქციის ჩატარებას ვაზიანის დასახლებაში . მოსახლეობას უფასოდ მოემსახურება 7 სხვადასხვა პროფილის ექიმი. დარიგდება უფასოდ სამედიცინო მედიკამენტები.
„ჩვენ ყოველთვის ვიქნებით ვაზიანის დასახლებაში მცხოვრები მოსახლეობის გვერდით და ვეცდებით, მაქსიმალურად დავეხმაროთ ჩვენი შესაძლებლობის ფარგლებში. მსგავსი სამედიცინო ხასიათის საქველმოქმედო აქციები ჩატარდება საქართველოს სხვადასხვა მუნიციპალიტეტებში. მსურს, მადლობა გადავუხადო საქველმოქმედო ფონდ „ავერსს", რომელიც გვეხმარება უფასო მედიკამენტებით", - განაცხადა „ქართული მისიის" გამგეობის წევრმა გიორგი ზარნაძემ.
