საქართველოს რეგიონული განვითარებისა და ინფრასტრუქტურის სამინისტროში გამყოფი ხაზის მიმდებარე სოფლებში დაზარალებული მოსახლეობის საჭიროებებზე რეაგირების დროებითი სამთავრობო კომისიის სხდომა გაიმართა
„საქართველოს რეგიონული განვითარებისა და ინფრასტრუქტურის სამინისტროში გამყოფი ხაზის მიმდებარე სოფლებში დაზარალებული მოსახლეობის საჭიროებებზე რეაგირების დროებითი სამთავრობო კომისიის მორიგი სხდომა გაიმართა. სხდომას საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი ხელმძღვანელობდა, რომელიც ამავდროულად კომისიის თავმჯდომარეა. კომისიის წევრებმა გამყოფი ხაზის მიმდებარე სოფლებში სამინისტროების მიერ 2015 წლის მარტი-ივლისის პერიოდში განხორციელებული ღონისძიებები განიხილეს. ასევე, ყურადღება გაამახვილეს ცალკეული სოფლებისთვის გამყოფი ხაზის მიმდებარე სოფლების კატეგორიის მიკუთვნების საკითხებზე. სხდომაზე, რომელსაც სხვადასხვა სამთავრობო უწყების ხელმძღვანელი პირები და ადგილობრივი თვითმმართველობის ორგანოების წარმომადგენლები ესწრებოდნენ, სამომავლოდ დაგეგმილი პროექტების შესახებაც იმსჯელეს და მოისმინეს ინფორმაცია საზღვრისპირა სოფლებში დღეს არსებულ სიტუაციასთან დაკავშირებით",-აღნიშნულია საქართველოს რეგიონული განვითარებისა და ინფრასტრუქტურის სამინისტროს მიერ გავრცელებულ განცხადებაში.
