ტურიზმის ეროვნული სააგენტო მიმდინარე წლის განმავლობაში საზღვარგარეთ საქართველოს პოპულარაზაციაზე  ერთ მილიონ ლარამდე დახარჯავს. როგორც commersant.ge-ს სააგენტოდან აცნობეს, წელს გამოფენების ლიმიტირებული რაოდენობა დაუფინანსეს, რის გამოც მხოლოდ 11  მიზნობრივ ბაზარზე გამოფენაში მიიღებს მონაწილეობას.

მათივე განცხადებით, ტურიზმის ეროვნული სააგენტომ უკვე მიიღო მონაწილეობა  8 გამოფენაში და შემდეგი მარკეტინგული აქტივობა კერძო სექტორის ხელშეწყობით სექტემბერში იაპონიაში  გაიმართება. სააგენტოს ინფორმაციით, საშუალოდ ერთი გამოფენის ორგანიზება 70 ათასი ლარი ღირს, თუმცა ღირებულება ღონისძიებების მასშტაბიდან გამომდინარე, შესაძლოა შემცირდეს ან გაიზარდოს.