თავდაცვის მინისტრმა თინა ხიდაშელმა  გორში მდებარე სამხედრო ჰოსპიტალის მონახულებისას განაცხადა, რომ იგი გორის სამხედრო ჰოსპიტალის კონცეფციის გადახედვას გეგმავს.

კითხვაზე -  არის თუა რა  დაგეგმილი მსგავსი ჰოსპიტლის დასავლეთ საქართველოში აშენებაც, ხიდაშელმა უპასუხა: - არა, ეს დაგეგმილი არ არის. პირიქით, ამ ჰოსპიტალის კონცეფციაც გადასახედია. მუშაობა დაწყებული გვაქვს იმაზე, საერთოდ გვჭირდება თუ არა ასეთი ჰოსპიტალი. ის არ გაუქმდება, მაგრამ მისი კონცეფცია შეიძლება შეიცვალოს.

ხიდაშელის თქმით, აღნიშნულზე საუბარი საწყის ეტაპზეა და იმისთვის, რომ გარკვეული მოლოდინები არ შეიქმნას, ამ საკითხზე ლაპარაკი ჯერ რთული იქნება.