საქართველოში საერთაშორისო სავალუტო ფონდის მისიის მუდმივმოქმედი წარმომადგენლის აზიმ სადიკოვის განცხადებით, ფონდი პრეზიდენტის ადმინისტრაციის მიერ შემუშავებული კანონპროექტის თანაავტორი არ არის.

სადიკოვის ინფორმაციით, საერთაშორისო სავალუტო ფონდმა პრეზიდენტის ადმინისტრაციას „ეროვნული ბანკის შესახებ" მათ მიერ შემუშავებულ კანონპროექტთან დაკავშირებით ტექნიკური შენიშვნები გაუზიარა.

„საერთაშორისო სავალუტო ფონდი არ არის პრეზიდენტის მიერ შემუშავებული კანონპროექტის თანაავტორი. პრეზიდენტის ადმინისტრაციამ გვთხოვა, წარმოგვედგინდა მოსაზრებები შემუშავეულ დოკუმენტთან დაკავშირებით. ჩვენ გავუზიარეთ მათ ტექნიკური კომენტარები კანონპროექტის ამ ვერსიასთან დაკავშირებით", - განუცხადა აზიმ სადიკოვმა ტელეკომპანია „იმედს".