ია მეტრეველი მიიჩნევს, რომ ახლადდანიშნული მინისტრები პატიოსანი, ქვეყნის ერთგული და პროფესიონალი კადრები არიან. მეტრეველი „რეპორტიორთან" საუბარში აცხადებს, რომ მღებრიშვილისა და კახიშვილის საქმიანობა ახალ თანამდებობებზე ისევე წარმატებული იქნება, როგორც ეს სასჯელაღსრულების სამინისტროს შემთხვევაში იყო.
„ძალიან მოხარული და კმაყოფილი ვარ მინისტრების კანდიდატურებით. კახი კახიშვილმა უკვე აჩვენა თავისი პროფესიონალიზმი, ის არის ნამდვილად ღირსეული კანდიდატურა. ისევე როგორც გიორგი მღებრიშვილი. მოხარული ვიქნები, თუ სწორედ ასეთი პიროვნებები დაინიშნებიან მინისტრებად და სხვა წამყვან თანამდებობებზე.
კახა კახიშვილმა გიორგი მღებრიშვილთან ერთად საკმაოდ წარმატებულად განახორციელა რეფორმა. დღესდღეობით პენიტენციარულ სისტემაში საკმაოდ კარგად მიდის საქმე და იმედი მაქვს, ასეც გაგრძელდება. ვიმედოვნებ, გიორგი მღებრიშვილი შინაგან საქმეთა მინისტრის პოსტზეც ისეთივე წარმატებული იქნება.
მთავარია, ადამიანი პატიოსანი, თავისი ქვეყნის ერთგული და პროფესიონალი იყოს, ამ კრიტერიუმებს ორივე პიროვნება აკმაყოფილებს", - აცხადებს ია მეტრეველი.
