საქართველოს პრეზიდენტი გიორგი მარგველაშვილი ახალგაზრდული ოლიმპიური ფესტივალის- „თბილისი 2015"-ის დახურვის ცერემონიალს არ დაესწრო.
ევროპის ახალგაზრდული ოლიმპიური ფესტივალის „თბილისი 2015"-ის საორგანიზაციო კომიტეტის თავმჯდომარის, ალექსი ახვლედიანის განცხადებით კომიტეტის წევრებს საქართველოს პრეზიდენტთან კონსულტაციები ჰქონდათ, თუმცა რატომ არ დაესწრო მარგველაშვილი „თბილისი 2015"-ის დახურვას, მიზეზი მათ არ იციან.
„მე ვერ გეტყვით, პრეზიდენტი ჩვენ მოვიწვიეთ. მე და ჩემ თანამშრომლებს პრეზიდენტის პროტოკოლთან გვქონდა საუბარი. თუმცა, ასე მოხდა. მიზეზი ჩემთვის ცნობილი არ არის," - აცხადებს ევროპის ახალგაზრდული ოლიმპიური ფესტივალის თბილისი2015-ის საორგანიზაციო კომიტეტის თავმჯდომარე, ალექსი ახვლედიანი.
გიორგი მარგველაშვილი ამ ფაქტს პროტოკოლს უკავშირებს და ამბობს, რომ, როგოც პრეზიდენტი არ ესწრება ოლიმპიადის მიმდინარეობას. თუმცა, როგორც მოქალაქე, ამაყია ქართველების წარმატებით და იმ ფაქტით, რომ ქვეყანა მსგავს მასშტაბურ ღონისძიებას მასპინძლობს.
(მოამზადა თეონა რამაზაშვილმა)
